Претходната недела во просториите на нашето училиште се одржа обука на тема „Вовед во
еТвининг платформата и употреба на дигитални алатки“ од страна на еден од етвининг
амбасадорите, Емилија Стојановска. На обуката присуствуваа поголем дел од наставниците и
истите имаа можност да се запознаат со етвининг платформата, да се регистрираат и да отворат
свои профили. Се запознаа за можностите кои ги нуди платформата за работа со ученици и
вмрежување со други наставници од нашата земја, но и надвор од земјата. Исто така,
наставниците ги проширија своите дигитални вештини со тоа што се запознаа со дигитални алатки
кои што ќе ги користат и ќе им бидат од корист не само во етвининг проектите, туку и во
подготовка на самите наставни часови.