Со задоволство ве информираме дека училишната библиотека е збогатена со нови наслови од задолжителната лектира, согласно новиот список објавен од Биро за развој на образованието.
Новиот список на лектири за основното деветгодишно образование ќе започне да се реализира од учебната 2026/2027 година. Учениците ќе имаат можност навремено да се запознаат со делата што ќе бидат дел од наставната програма, но и да уживаат во современа и класична литература која поттикнува љубов кон читањето.
Библиотеката е дополнета со следниве наслови:
„Застани на небото“ – Ерин Боу
Возбудлива приказна за храброст, пријателство и соочување со предизвици. Главната хероина тргнува на необично патување кое ќе ѝ помогне да ја открие сопствената сила и верба во себе.
„Без зборови“ – Џенифер Мук Сенг
Трогателна приказна што покажува дека вистинското пријателство не секогаш има потреба од зборови. Книга која ја нагласува важноста на разбирањето и емпатијата.
„За копчето и за среќата“ – Јасминка Петровиќ
Топла и духовита приказна која нè учи дека среќата често се крие во малите нешта. Книга што ќе ги насмее учениците и ќе ги поттикне да размислуваат за вистинските вредности.
„Беззборовната Ела“ – Викторија Патрашку
Приказна за девојче кое комуницира на свој, уникатен начин. Делото испраќа силна порака за прифаќање на различностите и разбирање на другите.
„Бајки од Македонија“ – адаптација Билјана С. Црвенковска
Збирка од волшебни народни приказни кои го пренесуваат богатото културно наследство. Идеална можност учениците да се запознаат со традицијата преку интересни и поучни приказни.
„Мио, мој Мио“ – Астрид Линдгрен
Волшебна авантура исполнета со фантазија и борба меѓу доброто и злото. Приказна која ќе ги однесе учениците во магичен свет и ќе ги научи на храброст и добрина.
„Приказната за Доктор Дулитл“ – Хју Лофтинг
Забавна и авантуристичка приказна за доктор кој може да разговара со животните. Книга полна со хумор, пријателство и љубов кон природата.
