МОН: Почетокот на второто полугодие одложен за први февруари
Почетокот на второто полугодие во основните и средните училишта се одложува за први февруари годинава, одлучи Владата на Република Северна Македонија сношти на владина седница по препорака на Главниот координативен кризен штаб и согласно епидемиолошките информации дека земјата се наоѓа во пик на заразата. Согласно одлуката, наставата со физичко присуство во училиштата продолжува на првиот ден од месец февруари.
Оваа одлука нема да влијае на крајот на учебната година и таа ќе заврши на 10 јуни како што е предвидено во календарот за наставната програма за основно и средно образование, со соодветна адаптација на наставните планови.
Апелираме до родителите, наставниците и учениците и за време на продолжениот распуст максимално да се придржуваат до мерките и препораките за заштита од ковид-19, во домашни услови и на отворено.
https://mon.gov.mk/content/?id=4458&fbclid=IwAR3jy1Op4n7jaf_Cr_BDTYHh7a1Lz8aMqtRLTwptLI7CPuauKJvbc47mOgQ
Коментари
