Почитувани ученици, родители, наставници, соработници на нашето училиште,

Со завршувањето на учебната 2025/2026 година затвораме уште едно значајно поглавје

исполнето со знаење, труд, предизвици, успеси и незаборавни моменти.

Оваа година беше време на учење, откривање нови хоризонти и личен развој. Нашите

ученици покажаа дека со посветеност, љубопитност и истрајност можат да ги надминат

сите пречки и да ги претворат своите соништа во цели кон кои сигурно чекорат.

Им благодариме на наставниците за нивната несебична работа, професионалност и

љубов кон образованието. Благодарност упатуваме и до родителите, кои со својата

доверба и поддршка се наши најважни партнери во воспитувањето и образувањето на

младите генерации.

Особена благодарност заслужува и локалната заедница, институциите и сите

соработници на училиштето кои придонесуваат нашето училиште да биде место каде

што се градат знаење, вредности и човечност.

На сите ученици им посакуваме безгрижно, исполнето и радосно лето, многу убави

спомени и нова енергија за предизвиците што ги носи следната учебна година.

На деветтоодделенците им посакуваме храбро да ги следат своите соништа, секогаш да

веруваат во себе и со гордост да ги носат знаењата и вредностите што ги стекнаа во

нашето училиште.

Нека летниот распуст биде време за одмор, дружба и нови инспирации, а новата учебна

година нека нè обедини повторно со уште поголем ентузијазам, успеси и напредок.

Ви благодариме што бевте дел од уште една успешна учебна година.

Среќен распуст и убаво лето!